Ian Wessels van RSG se: Ek's anoniem!

Ons almal beland soms in omstandighede waar ons gewens het ons kon liewer anoniem wees. Anders as onder jou eie naam, kan jy dan mos lekker spontaan en uit die hart uit reageer!

In sy nuwe komedie, Ek's Anoniem, ek sê! hou Ian Wessels van RSG sy lyf Anoniem en bekyk 'n klompie sulke situasies by die werk, in die mall, op lughawens, in die fliek en by die huis. Wat sou jy vir jou vrou gesê het as jy dit anoniem kon doen, of sal dit lei tot 'n huweliksverduistering? Ian vat ook Anoniem se spoor op soek na liefde - van destyds se Hoekie vir Eensames tot by vandag s'n - Facebook natuurlik! En net om seker te maak jy lag oopbek, doen hy ook die leeuloop, 'n bietjie ballet en 'n stukkie tango - alles anoniem natuurlik!

Ian kuier op Saterdag 2 Maart by The Music kitchen in Newtonpark met Ek's Anoniem ek sê! Bespreek jou 75 minute se lekker lagterapie by Hellen op 041 365 0217.
Kaartjies R100 pp.

Stuur asb aan vir jou vriende en kom lag saam!